|
|
|
|
|
Þegar við keyptum Arabæ var ekkert hesthús á staðnum aðeins fjós og hlaða, hús sem notað hafði verið til pökkunar á kartöflum og grænmeti og vélaskemma. Við hófumst handa við að breyta þessu í byrjun júlí 2006. Þetta var mikið verk að byrja á, rífa þurfti niður veggi, breyta og hækka þak, bæta við gluggum, skipta um allt gler, færa til rafmagn og leggja nýtt, steypa í gólf, grafa frá öllum húsum og keyra sand og möl að þeim ásamt því að setja upp gerði og girða. Pökkunarhúsið var gert að kaffistofu og íbúð og vélarskemman látin halda sér sem slík. Þetta var margra mánaða vinna og okkur farið að lengja eftir að taka aðstöðun í notkun. Það var því mikill gleðidagur þegar við loksins gátum flutt hrossin úr gömlu aðstöðunni 4 nóv 2006 og tekið í notkun nýtt og frábært hesthús og erum við sannarlega ánægð með útkomuna. Hér er að vísu ekki reiðhöll en hún er á margra ára planinu........
Hægt er að smella á allar þessar myndir til að stækka þær.
|
